Búslóðaflutningaferlið

Það er allra hagur að búslóðaflutningar séu vel skipulagðir áður en til flutnings kemur. Við biðjum því viðskiptavini okkar að kynna sér vel upplýsingarnar á síðunni og lesa yfir öll skrefin í flutningsferlinu áður en það hefst.

1. Hvað er búslóðin stór?

   Að meta stærð búslóðar sem best er forsenda þess að fá rétt tilboðsverð í flutning búslóðar þar sem flutningskostnaður er metinn út frá umfangi búslóðar. Búslóðarreiknivél

2. Hvað kostar að flytja búslóð

   Fáðu tilboð í búslóðaflutningana þína með auðveldum hætti. Fylltu út formið og við sendum þér tilboð til baka án allra skuldbindinga. Tilboðsbeiðni

3. Nauðsynleg skjöl

   Innihaldslisti fyrir tollayfirvöld og verðmætamat fyrir tryggingar auk búslóðayfirlýsingar þurfa að fylgja útprentuð og undirrituð fyrir flutning.

   Innihaldslisti er flutningsfyrirmæli, fyrir tollayfirvöld og verðmætamat fyrir tryggingar. Sem þarf að senda á skrifstofu Eimskips í útflutningshöfn.

   Sækja innihaldslýsingu

   Fyrir innflutning á búslóð til Íslands:
   Búslóðayfirlýsing, yfirlýsing til tollayfirvalda á Íslandi vegna innflutnings búslóðarinnar og sendist hún til búsóðafulltrúa á skrifstofu Eimskips í Reykjavík.

   Sækja búslóðayfirlýsingu

   Fyrir útflutning á búslóð frá Íslandi:
   Tollskýrsla fyrir viðkomandi land er send með tilboði ef við á. Eimskip getur séð um að gera tollaskýrslu fyrir móttakanda í sumum tilfellum. Ef Eimskip getur ekki aðstoðað við skýrslugerð er það tekið sérstaklega fram í tilboði. Skrifstofa Eimskips upplýsir ef vitað er um aðra pappíra sem óskað er eftir til skýrslugerðar í erlendri höfn.

   Prenta þarf skjölin út og skrifa undir áður en þau eru send til Eimskips.

4. Mikilvægt að tryggja

   Þér er skylt að tryggja búslóð sem flutt er með Eimskip. Eimskip á Íslandi selur farmtryggingar í umboði Sjóvá.

   • Tryggingariðgjald búslóðar er 0,405% af heildarverðmæti búslóðar og flutningskostnaðar að viðlögðu 10% álagi.
   • Tryggingariðgjald búslóðabíls er 0,315% af verðmæti ökutækis og flutningskostnaðarað viðlögðu 10% álagi.

   Tryggingaiðgjöld sem Eimskip hefur milligöngu um, eru greidd samhliða flutningsgjöldum. Ef þú vilt annast tryggingu á búslóð þinni sjálf(ur) þá þarft þú vinsamlega að skila inn tryggingaskírteini með öðrum gögnum vegna flutnings búslóðar.

5. Afhending búslóðar

   Það er á þína ábyrgð að pakka búslóðinni þinni vel áður en að flutningi kemur. Mikilvægt að nota góðar umbúðir og svo þarf að hlaða öllu á bretti eða í gám.

   Hvar og hvenær afhendi ég búslóðina mína?

   • FCL heilgámur
     LCL/Lausavara
     Bílar
   • Árósar
     Fimmtudagur 17:00
     Miðvikudagur 12:00
     Miðvikudagur 12:00
   • Helsingborg
     Miðvikudagur 20:00
     Þriðjudagur 15:00
     Þriðjudagur 11:00
   • Rotterdam
     Miðvikudagur 15:00
     Miðvikudagur 10:00
     Þriðjudagur 12:00
   • Frederikstad
     Þriðjudagur 10:00
     Mánudagur 12:00
     Mánudagur 12:00
   • Bremerhaven
     Mánudagur 12:00
     Föstudagur 16:00
     Fimmtudagur 15:00
   • Immingham
     Mánudagur 12:00
     Föstudagur 16:00
     Þriðjudagur 15:00
   • Portland
     Fimmtudagur 16:00
     Miðvikudagur 12:00
     Föstudagur 16:00
   • Halifax
     Þriðjudagur 16:00
     Föstudagur 16:00
     Föstudagur 15:00
   • Argentia
     Mánudagur 15:00
     Föstudagur 15:00
     Föstudagur 15:00

   Allar tímasetningar á komutíma bíls til sendanda búslóðar eru áætlaðar og geta breyst fyrirvaralaust. Sendandi er ábyrgur fyrir því að flutningabíll komist að á hleðslustað. Meti bílstjóri aðstæður þannig að hætta sé á skemmdum á tækjabúnaði vegna erfiðra aðstæðna eða ólöglegt er að leggja eða fara með bíl eða gám á hleðslustað hefur það aukinn kostnað í för með sér fyrir búslóðareiganda.

   Innifalinn hleðslutími í flutningsgjaldi heilgáma er mismunandi eftir löndum en er vanalega á bilinu 1-2 klst. Ef hleðsla tekur lengri tíma en innifalinn er í tilboðinu reiknast biðtími á bíl sem rukkað er sérstaklega fyrir eftirá. Vinsamlegast athugið að yfirleitt er ekki lyfta á gámaflutningabílum sem eru í akstri erlendis. Ef um lausavöruflutning er að ræða þarf að vera í sambandi við skrifstofu Eimskips í lestunarhöfn varðandi frágang búslóðar og tímasetningar á akstri og hleðslu.

6. Hvernig borga ég fyrir flutninginn?

   Eftirfarandi leiðir eru í boði

   • Hjá gjaldkera á starfsstöð Eimskips
   • Með símgreiðslu (kreditkort)
   • Með millifærslu á bankareikning Eimskips
     • Bankareikningur: 0111-26-2914 Kt: 421104-3520
     • IBAN: IS93 0111 2600 2914 4211 0435 20
     • Swift code: NBIIISRE

7. Tollareglur

   Ef um tollskyldan varning er að ræða í búslóðaflutningi, ber að greiða tolla og gjöld skv. tollareglum hverju sinni. Tollskyldur varningur er til dæmis bílar á erlendum númerum, bifhjól, bátar, áfengi og hlutir sem fólk hefur verslað erlendis á innan við ári fyrir heimflutning.

   Þeir sem búið hafa erlendis lengur en 12 mánuði samfellt fyrir flutning eiga rétt á að flytja inn nýja muni upp að vissri upphæð án þess að greiða af þeim tolla. Nánari upplýsingar varðandi tollareglur má finna á heimasíðu Tollstjóraembættisins. Tollstjóraembættið gefur heimild fyrir tollaafgreiðslu. Flytja þarf inn búslóð innan 6 mánaða frá skráningu lögheimilis hjá þjóðskrá til að fá niðurfellingu á tollum á búslóð.

   Eimskip getur afhent búslóðasendingu til viðskiptavinar þegar tollskýrsla hefur verið afgreidd hjá tollstjóra og flutningsgjöld greidd til Eimskips.

   Tollstjóraembættið getur tekið mislangan tíma í að fara yfir/skoða sendingar. Stundum einn dag, stundum nokkra daga.

   Eimskip býður upp á þjónstu við tollskýrslugerð og tollafgreiðslu.

   Heimasíða tollstjóra

   Aðstoð við tollskýrslugerð

8. Geymslugjöld eða gámaleiga

   Geymslugjöld, gámaleiga og svæðisgjöld eru misjöfn eftir höfnum sem Eimskip siglir til. Hægt er að fá nánari upplýsingar á skrifstofu Eimskips.

   Í flutningi á búslóð til Íslands gildir:

   Geymslugjald, búslóð flutt á brettum

   • Reiknast per dag frá og með 5. degi frá komu skipts til Íslands og þar til búslóð er afhent viðskiptavini.

   Gámaleiga og svæðisgjald, búslóð flutt með gámi

   • Reiknast svæðisgjald frá og með 6. degi frá komu skips til Íslands þar til gámur er afhentur út af athafnasvæði Eimskips
   • Reiknast gámaleiga frá og með 6. degi frá komu skips til Íslands og þar til gámi er skilað aftur tómum til Eimskips.